Šule

Pumpotowa zakładna šula Wjelećin

Zakładna šula Wjelećin bu k spočatkej šulskeho lěta 1992/93 zarjadowana. W našej šuli wuwučuja so 6- do 10-lětne dźěći přisłušneje kónčiny. Hłowne twarjenje zakładneje šule nasta 1921. 1975 bu wulkomyslnje přitwarjene. Hač do 1992 běše w tutymaj šulskimaj domomaj dźěl Goethoweje Polytechniskeje wyšeje šule zaměstnjeny. W minjenych lětach bu šulske twarjenje zakładnje saněrowane. 2016 poswjeći so nowy šulski dwór. Z 19.10.2012 nosy šula mjeno symbola našeho města – “Pumpotowa zakładna šula”.

Wosebita debjenka je naša šulska zahroda. Ju hladaja naše dźěći, naše koleginy a kolegojo kaž tež naš domownik. Naše prócowanja su wuspěšne: hižo dwójce bu naša zahroda při Sakskim wubědźowanju šulskich zahrodow mytowana.

Kubłanje pod dźensnišimi wuměnjenjemi žada sej wjele začuwawosće, zrozumjenja, sćerpnosće a konsekwency. Prócujemy so, šulerkam a šulerjam wučbne wobsahi po móžnosći žiwjenju blisko posrědkować. Tohodla organizujemy husto projekty. Přeprošujemy fachowcow do wučby, kotrež na dźećom přiměrjene wašnje wo swojim wěcnym wobłuku rěča a spytamy, zo šulerjo po móžnosći wjele wot swojeho žiwjenskeho wobswěta bjezposrědnje dožiwja.

Z lěta 2015 wobsteji spěchowanske towarstwo “Pumpotowa zakładna šula Wjelećin z. t.”

» k internetowej stronje Pumpotoweje zakładneje šule Wjelećin

Goethowa wyša šula Wjelećin

Naše twarjenje je na Šulskej dróze 41. Hižo w lěće 1878 nasta srjedźny dźěl. Pozdźišo slědowašej nabóčnej křidle , tež jako zapadne a wuchodne křidło znate.

Dospołnje saněrowana a přetwarjena bu naša šula w lětach 1991 do 1995. Nastachu nowe sanitarne připrawy a fachowe kabinety za fyziku, chemiju a domjacnosć.

Dźensa ma naša šula 18 wučbnych rumnosćow a fachowych kabinetow. We wšěch rumnosćach steji moderna interaktiwna medijowa technika k dispoziciji.

» k internetowej stronje Goethoweje wyšeje šule Wjelećin

 

Immanuela Kantowy gymnazij

“Měj zmužitosć, so swójskeho rozuma posłužować” je hesło našeho gymnazija.

Šulske twarjenje leži w susodstwje Pumpotoweje zakładneje šule a Goethoweje wyšeje šule w centrumje města Wjelećin. Wulki dźěl našich šulerjow přijědźe ze šulskim busom z wokolnych gmejnow.

W lěće 1989 twarjeny gymnazij skići wšitke předmjetowe poskitki matematisko-přirodowědneho profila, atraktiwny dwór za přestawki a perfektnje wuhotowane sportnišćo inklusiwnje moderneje dwupoloweje sportownje. W jědźerni poskićuje so šulerjam strowy wobjed, zo by so trěbna runowaha mjez ćěłom a duchom docpěła.

Sće nětko wćipni? Pohladajće tola sami jónu nimo – najlěpje k “Nocy wotewrjenych duri”, kotraž so lětnje wotměwa.

» k internetowej stronje Immanuela Kantoweho gymnazija