Pućowanje po stawiznach Wjelećina

1222 prěnje pisomne naspomnjenje Wjelećina
1241 Wjelećin přisłuša k marce Mišnjo
1559 reformacija zawjedźe so we Wjelećinje
1669 Wjelećin dóstanje wikowanske a měšćanske prawo
1700 najstarše hosćency města su: Adlerschänke, Niederschänke a Oberschänke
1800 šěsć wódne młyny su w měsće dokumentowane
1837 ryćerkubło přeńdźe přez kup na katolske tachantstwo swj. Pětra w Budyšinje
1842 załoženske lěto firmy C. T. Hünlich, pozdźišeje Wjelećinskeje palencarnje
1870 załoženske lěto tkalcownje Thomas, 1914 z 1.000 přistajenymi najwjetši Wjelećinski zawod
1877 wotewrjenje dwórnišća a ćahoweje čary Drježdźany – Žitawa a Budyšin – Šandawa
1900 wuspěšne wobdźělenje firmy Hünlich na swětowej wustajeńcy w Parisu
1902 dotwarjenje noweje ewangelskeje cyrkwje
1909 přizamknjenje Wjelećina na milinowu syć
1922 zwjazkowy spěwny swjedźeń a 700 lět Wjelećin
1924 ćežke njewjedro zawinuje wysoku wodu
1945 Wjelećin přetraje 2. swětowu wójnu bjez wojowanjow
1969 Wjelećinej spožča so znowa měšćanske prawa
1972 Wjelećin dóstanje składnostnje swojeho 750-lětneho wobstaća nowy wopon
1974 Tućicy stanu so z měšćanskim dźělom Wjelećina
1980 twar wulkeje tepjernje
1985 – 89 twar wulkeje platoweje bydlenskeje štwórće
1991 nastaće wikowanskeho centruma Horni kraj a załoženje partnerstwa z Eppelheimom
1992 twar gymnazija za Wjelećin a region Horni kraj
2000 po přetwarje a renowěrowanju dóstanje 1889 twarjena radnica swój dźensniši napohlad
2003 dotwar noweje gratownje za městnu wohnjowu woboru Wjelećin
2006 přetwar něhdyšeho Thälmannoweho naměsta a přemjenowanje na Naměsto swjateje Borbory
2008 – 15 wobšěrny wutwar mnohich dróhow a pućow ze wšěmi medijemi
2009 załoženje partnerstwa z Lwówekom Ślaskim
2015 – 17 twar noweje sportownje za šulskim centrum

Slědowace wobrazy su małe pućowanje po zašłosći Wjelećina.

Snano móžeće so tež Wy na tón abo tamny historiski wokomik dopomnić.